在手机不离身的时代，出门忘记带手机，会出现什么情况？我刚刚经历过，可谓连连出糗。
一天，单位组织下乡慰问贫困户。中巴车刚出城，我一摸口袋，吓得直打冷战：手机忘记带了！
车上有十几位同事，一个人忘带手机，不可能叫司机掉头返回。扶贫点路途遥远，需要住上一宿，这后果是两天没手机用。还有，下乡慰问贫困户，需留入户照片存档，若连拍照用的手机都不带，那还来干什么？
一边叹气，一边暗想：食宿统一安排，不需手机支付，无非就两天不玩手机。入户需要拍照，就叫同事帮忙。然而，事情并不那么简单。
扶贫点在边境线上，沿途边关风光旖旎，人们在车上纷纷用手机拍照。邻座跟我一样已年过半百，他也拍个不停。老同志拍照姿态与众不同，手机伸出远远的，这是老花眼的标志性动作。
“兄弟，今天你怎么都不拍照？”见我不动，邻座好奇地问。
“又不是第一次来，拍来拍去有什么意思。”我随口敷衍。
“怎么没意思呢？上一次你还说我，出门不拍照，不放飞心情，出来干啥？”这位老兄太长记性，我上一次说的话他还记着。
“我，我有点不舒服。”被他的话噎得够呛，我支支吾吾道。
“哪里不舒服？” 他大声追问，引来全车人的目光，大伙关切地问哪儿不舒服？我心里很不舒服，老同志出门忘记带手机，怕大伙知道了丢人呢。
入住县城的酒店之后，我立即使用房间免费电话，悄悄告诉妻子忘记带手机一事。妻子听后哈哈大笑。笑够之后她才说：“你也老糊涂了吧！”之前有一次，她一边炒菜一边玩手机，加盐时差点连手机一起放进锅里，我当场笑她老糊涂，这下她终于逮到机会怼我，让我也只能心服口服地认栽。过了一会，妻子郑重其事地说：“记得买点当地特产沙糕。”我正想应答，猛然想到身上没现金、没手机，也没带银行卡，哪怕是一块钱，也都无法支付。智能手机时代，揣一部手机可走天下。我忘带手机，恰似当年忘带钱包，出门寸步难行。
当晚熄灯睡觉，我翻来覆去睡不着，手习惯性地往床头柜上摸去——不知从何时起，我睡前要躺着玩一下手机，这才做完一天的事似的，然后安然入睡。
次日一早，进村入户。我结对帮扶三户贫困户，入户次数多了，跟结对户建立了情谊。有一家的小女孩，还私下跟我有一个“秘密约定”——“顶呱呱”。那天，我刚走进她家，她就跑过来拉起我的右拇指，她也竖起自己的右手大拇指，我立刻心领神会，我俩的大拇指紧紧地顶在一起，两人同时在嘴里说道：“顶呱呱！”事情是这样的：我第一次来入户时，小女孩才上幼儿园，为了鼓励她好好学习，我当时就抓起她的拇指顶起来，鼓励她将来学习要“顶呱呱”！不料，这么随意的一个举动，竟对小女孩起到激励作用，如今她已上大班，见到我就主动过来“顶呱呱”，向我报告她学习取得的好成绩。
这是一个励志的故事，动人的场面值得拍照。同事们听我说后受感动了，一个说快拿出你的手机，让我帮你们拍个照。另一个更是急不可耐，扑过来就摸我身子要手机，结果我就尴尬了，只能搪塞说手机落在中巴车上。
两天没带手机，总算弄明白了：如今的手机，不只好玩，还管用。
Lumz Dawz Soujgih
Seizneix dwg aen seizdaih soujgih， bouxboux cungj haet daengz haemh ngaemgyaeuj yawj soujgih。 Yienghneix ne， danghnaeuz ok dou lumz dawz soujgih， yaek miz maz saeh lwi？ Gou ngamq deng lumz gvaq， miz saeh mazfanz lai lo。
Ngoenz ndeu， gyoengqvunz danhvei dou roengz yiengbae yawj ranzgungzhoj。 Gyaq cicunghbah ngamq hai ok singz， gou baez mbon daehbuh， sikhaek couh vueng daengz hanhheu biu bae：Maih ha， lumz dawz soujgih lo！
Gwnz ci miz cib geij boux doengzdoih， gou boux ndeu lumz dawz soujgih， mbouj ndei heuh bouxdawzci hai ci dauq baema ha。
Aen mbanjgungzhoj gyae lai， baedauq aeu gvaq haemh， yienghneix gou yaek deng song ngoenz mbouj miz soujgih yungh。 Caiqgangj， bae daengz ranzgungzhoj aeu ingjsiengq louz guh dangjanq yungh， danghnaeuz lumz daiq soujgih， mbaw siengq cungj ingj mboujndaej， lij roengz mbanj bae guh maz fangz？
Gou doq danqheiq doq naemj： Danhvei doxcomz vunzlai roengz yieng， gwn ninz goenggya bau caez， mboujyungh swhgeij aeu soujgih daeuj gyau ngaenz。 Lumz daiq soujgih， couhdwg song ngoenz mbouj miz soujgih guhcaemz， mbwq song ngoenz miz maz youqgaenj ne！ Hoeng， gou naemj ndaej yungzheih lai lo。
Mbanjgungzhoj youq dieg henzguek， gwnz loh bae raen gij gingjsaek ndeiyawj raixcaix， gyoengqvunz youq gwnz ci cungj dawz soujgih okdaeuj ingj siengq， bouxboux naenx soujgih sing’yaem yiengjbyaegbyaeg。 Boux naengh henz ndang gou dwg bouxlaux ndeu， de caeuq gou doxdoengz gaenq ndaej ngutcib lai bi lo。 De caemh ingj mbouj dingz。 Bouxlaux ingjsiengq gag yiengh， dawz aen soujgih ietfwngz bae gyaegyae cij yawj ndaej raen， bouxlaux daraiz damong lo cungj dwg yienghneix。
“Beixnuengx， ngoenzneix mwngz mbouj ‘nyaep’ di siengq？” Boux naengh henz ndang maij gangjriu， de daegdaengq gangj “ingj siengq” guh “nyaep siengq” ， gangj “nyaep” lumjnaeuz dingqnyi bouxingjsiengq naenx aen soujgih yiengj sing “nyaep” ndeu， gangj ndaej miz yinxdaeuz lai lo。 De raen gou mbouj dawz soujgih okdaeuj ingjsiengq， roxnyinh geizheih lai lo。
“Raeuz mbouj dwg baez daih’it roengzdaeuj， ‘nyaep’ bae ‘nyaep’ dauq miz maz nyawx。” Gou swnhbak han de。
“Baenzlawz gangj mbouj miz nyawx ne？ Baezgonq daeuj mwngz lij naeuz gou， okdou mbouj ‘nyaep’ song mbaw siengq， okdaeuj guh maz viz？”
Goenglaux neix geiqsingq ndei lai， baezgonq gou swnhbak gangj duz gaeqboux， de daengz seizneix cungj mbouj geiq loek baenz duz gaeqmeh。
“Ndang、ndang gou mbouj cwxcaih geijlai。” Gou gangj coenz vahbyangz neix sing’yaem gig daemq。
“Miz maz mbouj cwxcaih la？ “ Siengj mbouj daengz de dauq singhung heuh hwnjdaeuj， gyoengqvunz gwnz ci dingqnyi le bouxboux cungj cam gou gyawz mbouj cwxcaih。 Gou dwg aensim mbouj cwxcaih， goenglaux okdou lumz dawz soujgih， moengjdoengj lai le aensim mbouj cwxcaih， hoeng youh mbouj miz naj gangj okdaeuj。
Daengz yienhsingz le haeuj bouqlaeuj ninz， ngamq haeuj rug bouqlaeuj， gou couh dawz dienhvah ndaw rug dwk hawj mehyah， laeglemx lwnh de dingq gou lumz soujgih youq ranz lo。 Mehyah dingq le sikhaek riuhaha naeuz： ”Baezneix daengz mwngz lauxmoengjdoengj la！” Baezgonq mehyah deng gou riu gvaq， de doq cawj byaek doq yawj soujgih， seiz dwk gyu ca di dawz soujgih guh gyu dwk haeuj ndaw rek bae。 Seizneix daengz de riu gou lo。 Riu doh le， mehyah cij naeuz： “Aeu ndaejgeiq cawx di sagau ma ranz。” Gou ngamq yaek dapwng， sawqmwh naemj daengz gwnz ndang faen ngaenzceij cungj mbouj miz， caemh mbouj miz mbaw gajngaenzhangz， youh lumz daiq soujgih， siengj cawx maenz ngaenz doxgaiq cungj mbouj miz banhfap。Gou okdou lumz dawz soujgih， couh lumj seizgonq okdou lumz dawz ngaenzbau， guh maz cungj mbouj ndaej。
Banhaemh ninz bouqlaeuj， gou fan ndang fan bae fan dauq cungj ninz mbouj ndaek。 Baeznaengz youq ranz ninz， laep daeng le gou cungj aeu iet fwngz gvaq aen gvih henz mbonq bae， dawz aen soujgih gwnz gvih daeuj guhcaemz， yawj soujgih dohdoh bae cij ninz ndaej ndaek， lumjnaeuz yienghneix guh le， hong ngoenzneix cij guh liux。
Haet daihngeih， dou bae daengz aen mbanjgungzhoj。 Gou caeuq sam ranz ranzgungzhoj gietdoih， guh bouxlienzhaeh bang gyoengqde duetgungz。 Geij bi neix gou bae daengz ranz lai le， caeuq gyoengqde baenz baengzyoux lo。 Miz dahlwg ranz ndeu， lij laeglemx caeuq gou “caegcaeg doxduenq——dingj mehfwngz”。
Ngoenzhaenx， gou ngamq byaij haeuj ranz dahlwg， de couh buet gvaqdaeuj gaem mehfwngz fwngzgvaz gou， gou sikhaek roxyuij， gou daengj mehfwngz hwnjdaeuj caeuq de dingj mehfwngz， dou song boux doq dingj mehfwngz doq naeuz “dingj ak ak”！ Gienh saeh neix dwg yienghneix daeuj： Gou baez daih’it daengz ranz de seizhaenx， de ngamq doeg youwzyenz， gou heuh de aeu roengzrengz doeg saw， caemhcaiq gaem mehfwngz de daeuj “dingj ak ak”， naeuz yienghneix dingj mehfwngz le de doeg saw couh ak lo。 Siengj mbouj daengz， gou daeuq lwgnyez guhcaemz， de dauq dangqcaen geiq maenh ndawsim， seizneix de gvaqdaeuj “dingj ak ak”， lij lwnh gou dingq de “dingj ak ak” gvaq le doeg saw ak dahraix。
Aen goj “dingj ak ak” neix maez vunz lai， wngdang ingj mbaw siengq louzniemh。 Gyoengq doengzdoih dingq gou gangj aen goj neix le cungj gaemjdoengh lo， miz boux ndeu naeuz vaiq di dawz soujgih mwngz okdaeuj ingjsiengq vei， lingh boux doengzsaeh coemj gvaqdaeuj mbon daehbuh gou aeu soujgih， baezneix gou saetnaj yaek dai lo， gou cijndaej yaeuh naeuz soujgih lumz gwnz ci lo。
Song ngoenz mbouj miz soujgih yungh， gou cungjsuenq mingzbieg lo： Seizdaih neix dwg seizdaih soujgih， aen soujgih mboujdan guhcaemz ndaej， lij miz yungh lai。
扫一扫手机访问
